ਪਟਿਆਲਾ ਦੇ ਲੜਕੇ ਵਿਹਾਨ ਮਲਹੋਤਰਾ ਨੂੰ ਭਾਰਤੀ ਅੰਡਰ-19 ਕ੍ਰਿਕਟ ਟੀਮ ਦਾ ਉਪ ਕਪਤਾਨ ਚੁਣਿਆ ਗਿਆ ਹੈ
ਪਟਿਆਲਾ ਦੇ ਰਹਿਣ ਵਾਲੇ 17 ਸਾਲਾ ਲੜਕੇ ਵਿਹਾਨ ਮਲਹੋਤਰਾ ਨੂੰ 27 ਸਤੰਬਰ ਤੋਂ ਆਸਟ੍ਰੇਲੀਆ ਵਿਰੁੱਧ ਹੋਣ ਵਾਲੇ 4 ਦਿਨਾਂ ਮੈਚਾਂ ਲਈ ਭਾਰਤੀ ਅੰਡਰ-19 ਕ੍ਰਿਕਟ ਟੀਮ ਦਾ ਉਪ ਕਪਤਾਨ ਚੁਣਿਆ ਗਿਆ ਹੈ।
ਵਿਹਾਨ ਮਲਹੋਤਰਾ ਜੋ ਕਿ ਪੇਸ਼ੇਵਰਾਂ ਦੇ ਪਰਿਵਾਰ ਵਿੱਚੋਂ ਹੈ, ਉਸਦੇ ਪਿਤਾ ਪੰਜਾਬ ਸਰਕਾਰ ਵਿੱਚ ਇੱਕ ਸੁਪਰਡੈਂਟ ਇੰਜੀਨੀਅਰ ਹਨ। ਅਤੇ ਮਾਂ ਪੇਸ਼ੇ ਤੋਂ ਡਾਕਟਰ ਹੋਣ ਕਰਕੇ ਆਪਣੀ ਮਿਹਨਤ ਅਤੇ ਲਗਨ ਨਾਲ ਆਪਣੇ ਆਪ ਨੂੰ ਸਾਬਤ ਕਰ ਚੁੱਕੀ ਹੈ।
ਖੱਬੇ ਹੱਥ ਦਾ ਸਲਾਮੀ ਬੱਲੇਬਾਜ਼ ਵਿਹਾਨ ਉਦੋਂ ਚਰਚਾ ਵਿੱਚ ਆਇਆ ਜਦੋਂ ਉਹ ਵਿਜੇ ਮਰਚੈਂਟ ਟਰਾਫੀ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ ਖਿਡਾਰੀ ਸੀ ਅਤੇ ਜਿਸ ਲਈ ਉਸਨੂੰ ਹੈਦਰਾਬਾਦ ਵਿੱਚ ਬੀਸੀਸੀਆਈ ਦੁਆਰਾ ਨਮਨ ਅਵਾਰਡ ਵਿੱਚ ਜਗਮੋਹਨ ਡਾਲਮੀਆ ਟਰਾਫੀ ਨਾਲ ਸਨਮਾਨਿਤ ਕੀਤਾ ਗਿਆ।
ਉਹ ਮਹਾਨ ਵਿਰਾਟ ਖੋਲੀ ਨੂੰ ਆਪਣਾ ਆਦਰਸ਼ ਮੰਨਦਾ ਹੈ ਅਤੇ ਉਹ ਆਪਣੀਆਂ ਪ੍ਰਾਪਤੀਆਂ ਦਾ ਸਿਹਰਾ ਆਪਣੇ ਕੋਚਾਂ ਅਤੇ ਮਾਪਿਆਂ ਨੂੰ ਦਿੰਦਾ ਹੈ।
ਉਸ ਦੇ ਪਿਤਾ, ਜੋ ਕਿ ਸਿਵਲ ਇੰਜੀਨੀਅਰ ਹਨ, ਨੇ ਕਿਹਾ ਕਿ ਉਸ ਨੇ 6 ਸਾਲ ਦੀ ਉਮਰ ਵਿੱਚ ਕ੍ਰਿਕਟ ਖੇਡਣਾ ਸ਼ੁਰੂ ਕਰ ਦਿੱਤਾ ਸੀ।
