ਚੰਡੀਗੜ੍ਹ, 27 ਦਸੰਬਰ, ਫਰਾਂਸ ਵਿਚ ਜਿਸ ਜਹਾਜ਼ ਨੂੰ ਤਿੰਨ ਦਿਨ ਰੋਕ ਕੇ ਰੱਖਿਆ ਗਿਆ ਜਿਸ ਵਿਚ 303 ਭਾਰਤੀ ਮੁਸਾਫਰ ਸਵਾਰ ਸਨ। ਇਹ ਜਹਾਜ਼ 276 ਮੁਸਾਫਰਾਂ ਨਾਲ ਵਾਪਸ ਮੁੰਬਈ ਵਿਚ ਉਤਰਿਆ ਜਦੋਂ ਕਿ 303 ਵਿਚੋਂ 27 ਮੁਸਾਫਰਾਂ ਨੇ ਫਰਾਂਸ ਵਿਚ ਰਾਜਸੀ ਸ਼ਰਣ ਮੰਗ ਲਈ ਤੇ ਉਥੇ ਹੀ ਰੁਕ ਗਏ।ਹੁਣ ਇਹ ਖੁਲ੍ਹਾਸਾ ਹੋਇਆ ਹੈ ਕਿ ਵਾਪਸ ਪਰਤੇ 276 ਮੁਸਾਫਰਾਂ ਵਿਚ 70 ਤੋਂ ਜ਼ਿਆਦਾ ਪੰਜਾਬੀ ਸ਼ਾਮਲ ਹਨ। ਰਿਪੋਰਟ ਮੁਤਾਬਕ ਵਾਪਸ ਪਰਤੇ ਮੁਸਾਫਰਾਂ ਦੀ ਸੂਚੀ ਤੋਂ ਸਾਹਮਣੇ ਆਇਆ ਹੈ ਕਿ 70 ਤੋਂ ਜ਼ਿਆਦਾ ਮੁਸਾਫਰਾਂ ਦੇ ਨਾਵਾਂ ਪਿੱਛੇ ਪੰਜਾਬੀ ਗੋਤ ਲੱਗੇ ਹਨ। ਬਾਕੀ ਦੇ ਮੁਸਾਫਰ ਗੁਜਰਾਤ, ਗੁਆਂਢੀ ਸੂਬੇ ਨੇਪਾਲ ਤੇ ਹੋਰ ਮੁਲਕਾਂ ਦੇ ਹਨ। ਏ 340 ਏਅਰਬੱਸ ਵਿਚ ਸਵਾਰ ਲੋਕਾਂ ਦੇ ਪੂਰੇ ਵੇਰਵੇ ਹਾਲੇ ਜਨਤਕ ਨਹੀਂ ਹੋਏ। ਦੱਸਿਆ ਜਾ ਰਿਹਾ ਹੈ ਕਿ ਦੁਬਈ ਤੋਂ ਉੱਡੇ ਇਸ ਜਹਾਜ਼ ਵਿਚ ਸਵਾਰ ਹੋਣ ਵਾਲੇ ਜ਼ਿਆਦਾਤਰ ਭਾਰਤੀ ਟੂਰਿਸਟ ਤੇ ਵਰਕ ਪਰਮਿਟ ਵੀਜ਼ੇ ’ਤੇ ਦੁਬਈ ਪਹੁੰਚੇ ਸਨ। ਇਹ ਵੀ ਖੁਲ੍ਹਾਸਾ ਹੋਇਆ ਹੈ ਕਿ ਜਲੰਧਰ ਦੇ ਇਕ ਇਮੀਗ੍ਰੇਸ਼ਨ ਸਲਾਹਕਾਰ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ ਕਿਉਂਕਿ 70 ਪੰਜਾਬੀਆਂ ਵਿਚੋਂ ਜ਼ਿਆਦਾਤਰ ਨੂੰ ਭੇਜਣ ਵਾਲਾ ਇਹੀ ਇਮੀਗ੍ਰੇਸ਼ਨ ਸਲਾਹਕਾਰ ਦੱਸਿਆ ਜਾ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਸਾਰੇ ਲੋਕ ਨਿਕਾਰਾਗੁਆ ਅਤੇ ਮੈਕਸਿਕੋ ਦੇ ਰਸਤੇ ਤੋਂ ਅਮਰੀਕਾ ਵਿਚ ਦਾਖਲਹੋਣੇ ਸਨ। ਨਿਕਾਰਾਗੁਆ ਅਮਰੀਕਾ ਵਿਚ ਦਾਖਲ ਹੋਣ ਲਈ ਨਵਾਂ ਡੋਂਕੀ ਰੂਟ ਬਣ ਗਿਆ ਹੈ। ਇਸ ਵੇਲੇ ਅਮਰੀਕਾ ਡੋਂਕੀ ਲਾ ਕੇ ਪਹੁੰਚਣ ਲਈ ਰੇਟ 50 ਲੱਖ ਰੁਪਏ ਤੱਕ ਪਹੁੰਚ ਗਿਆ ਹੈ।
Post DisclaimerOpinion/facts in this article are author\’s own and geopunjab.com does not assume any responsibility or liability for the same.If You Have Problem With This Article Plz Contact Our Team At Contact Us Page.
