22/11/2026

ਪਾਕਿਸਤਾਨ ਦੇ ਗ੍ਰਹਿ ਮੰਤਰੀ ਮੋਹਸਿਨ ਨਕਵੀ ਨੇ ਦੱਸਿਆ ਕਿ ਮੰਗਲਵਾਰ ਨੂੰ ਪਾਕਿਸਤਾਨ ਦੀ ਰਾਜਧਾਨੀ ‘ਚ ਇਕ ਅਦਾਲਤ ਦੇ ਬਾਹਰ ਇਕ ਆਤਮਘਾਤੀ ਹਮਲਾਵਰ ਨੇ ਪੁਲਸ ਦੇ ਵਾਹਨ ‘ਚ ਧਮਾਕਾ ਕਰ ਦਿੱਤਾ, ਜਿਸ ‘ਚ ਘੱਟੋ-ਘੱਟ 12 ਲੋਕ ਮਾਰੇ ਗਏ ਅਤੇ 36 ਹੋਰ ਜ਼ਖਮੀ ਹੋ ਗਏ।

ਧਮਾਕੇ ਵਾਲੀ ਥਾਂ ਦਾ ਦੌਰਾ ਕਰਨ ਵਾਲੇ ਨਕਵੀ ਨੇ ਕਿਹਾ ਕਿ ਹਮਲਾਵਰ ਅਦਾਲਤੀ ਕੰਪਲੈਕਸ ‘ਚ ਦਾਖਲ ਹੋਣਾ ਚਾਹੁੰਦਾ ਸੀ ਪਰ ਜਦੋਂ ਉਹ ਅਸਫਲ ਰਿਹਾ ਤਾਂ ਉਸ ਨੇ ਦੁਪਹਿਰ 12.39 ਵਜੇ ਰਾਜਧਾਨੀ ਦੇ ਜੀ-11 ਇਲਾਕੇ ‘ਚ ਇਮਾਰਤ ਦੇ ਗੇਟ ‘ਤੇ ਇਕ ਪੁਲਸ ਵਾਹਨ ਦੇ ਨੇੜੇ ਆਪਣੇ ਆਪ ਨੂੰ ਉਡਾ ਲਿਆ।

ਇਸ਼ਤਿਹਾਰ

ਮੰਤਰੀ ਨੇ ਦੱਸਿਆ ਕਿ ਇਸਲਾਮਾਬਾਦ ਜ਼ਿਲ੍ਹਾ ਨਿਆਂਇਕ ਕੰਪਲੈਕਸ ਨੇੜੇ ਹੋਏ ਧਮਾਕੇ ਵਿੱਚ ਸੁਰੱਖਿਆ ਮੁਲਾਜ਼ਮਾਂ ਅਤੇ ਇੱਕ ਵਕੀਲ ਸਮੇਤ 12 ਲੋਕਾਂ ਦੀ ਮੌਤ ਹੋ ਗਈ ਅਤੇ 36 ਹੋਰ ਜ਼ਖ਼ਮੀ ਹੋ ਗਏ। ਕਿਸੇ ਵੀ ਸਮੂਹ ਜਾਂ ਵਿਅਕਤੀ ਨੇ ਹਮਲੇ ਦੀ ਜ਼ਿੰਮੇਵਾਰੀ ਨਹੀਂ ਲਈ ਹੈ, ਪਰ ਅਜਿਹੇ ਹਮਲੇ ਆਮ ਤੌਰ ‘ਤੇ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨੀ (ਟੀਟੀਪੀ) ਦੁਆਰਾ ਕੀਤੇ ਜਾਂਦੇ ਹਨ।

ਨਕਵੀ ਨੇ ਕਿਹਾ, “ਸਾਡੀ ਪਹਿਲੀ ਤਰਜੀਹ ਹਮਲਾਵਰ ਦੀ ਪਛਾਣ ਕਰਨਾ ਹੈ…ਜਦੋਂ ਵੀ ਹਮਲਾਵਰ ਦੀ ਪਛਾਣ ਹੋਵੇਗੀ, ਅਸੀਂ ਇਸ ਨੂੰ ਮੀਡੀਆ ਨਾਲ ਸਾਂਝਾ ਕਰਾਂਗੇ।”

“ਅਸੀਂ ਅੱਜ ਦੇ ਧਮਾਕੇ ਨੂੰ ਕਈ ਕਾਰਕਾਂ ਨਾਲ ਜੋੜ ਰਹੇ ਹਾਂ। ਆਉਣ ਵਾਲੇ ਘੰਟਿਆਂ ਵਿੱਚ ਚੀਜ਼ਾਂ ਸਪੱਸ਼ਟ ਹੋ ਜਾਣਗੀਆਂ। ਇਸ ਵਿੱਚ ਕਈ ਸੰਦੇਸ਼ ਹਨ…,” ਉਸਨੇ ਕਿਹਾ। “ਮੈਂ ਇਸ ਸਮੇਂ ਕੁਝ ਨਹੀਂ ਕਹਿਣਾ ਚਾਹੁੰਦਾ, ਜਿਵੇਂ ਕਿ ਭਾਰਤੀ ਅਕਸਰ ਕਰਦੇ ਹਨ (ਅਜਿਹੀਆਂ ਘਟਨਾਵਾਂ ਤੋਂ ਤੁਰੰਤ ਬਾਅਦ ਦੋਸ਼ ਲਗਾਉਣਾ ਸ਼ੁਰੂ ਕਰ ਦਿੰਦੇ ਹਨ)। ਅਸੀਂ ਪੂਰੇ ਸਬੂਤ ਅਤੇ ਵੇਰਵੇ ਲੈ ਕੇ ਆਵਾਂਗੇ।”

ਇਸ਼ਤਿਹਾਰ