ਬਾਲੀਵੁੱਡ ਸੁਪਰਸਟਾਰ ਆਮਿਰ ਖਾਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਆਪਣੀ ਆਉਣ ਵਾਲੀ ਫਿਲਮ ਲਾਲ ਸਿੰਘ ਚੱਢਾ ਬਣਾਉਣ ਲਈ 14 ਸਾਲ ਲੱਗੇ ਹਨ। ਜ਼ਿਕਰਯੋਗ ਹੈ ਕਿ ‘ਲਾਲ ਸਿੰਘ ਚੱਢਾ’ ਟਾਮ ਹੈਂਕਸ ਦੀ ਸਰਵੋਤਮ ਫਿਲਮ ‘ਫੋਰੈਸਟ ਗੰਪ’ ਦਾ ਹਿੰਦੀ ਰੂਪਾਂਤਰ ਹੈ। ਆਮਿਰ ਨੇ ਕਿਹਾ, ”ਇਸ ‘ਚ ਕਾਫੀ ਸਮਾਂ ਲੱਗਾ।
ਇਸ ਨੂੰ ਕੁੱਲ 14 ਸਾਲ ਲੱਗੇ ਪਰ ਫਿਲਮ ਬਣਾਉਣ ਦੇ ਅਧਿਕਾਰ ਖਰੀਦਣ ‘ਚ 8-9 ਸਾਲ ਲੱਗ ਗਏ।
ਇਸ ਲਈ ਮੈਂ ਕਾਫੀ ਖੁਸ਼ ਹਾਂ ਪਰ ਥੋੜਾ ਘਬਰਾਇਆ ਵੀ ਕਿਉਂਕਿ ਅਸੀਂ ਜਾਣਦੇ ਹਾਂ ਕਿ ਅਸੀਂ ਚੰਗੀ ਫਿਲਮ ਬਣਾਈ ਹੈ, ਇਹ ਮੈਨੂੰ ਥੋੜ੍ਹਾ ਘਬਰਾਉਂਦਾ ਹੈ ਕਿ ਲੋਕਾਂ ਨੂੰ ਇਹ ਪਸੰਦ ਆਵੇਗੀ ਜਾਂ ਨਹੀਂ। ਅਣਗਿਣਤ ਥਾਵਾਂ ‘ਤੇ ਸ਼ੂਟਿੰਗ ਕੀਤੀ ਗਈ ਹੈ।
ਫਿਲਮ ਦੀ ਕਹਾਣੀ ‘ਚ ਭਾਰਤ ਨੂੰ ਬਹੁਤ ਹੀ ਖੂਬਸੂਰਤ ਤਰੀਕੇ ਨਾਲ ਦਿਖਾਇਆ ਗਿਆ ਹੈ। ਇਸ ਤੋਂ ਇਲਾਵਾ ਫਿਲਮ ‘ਚ ਲਾਲ ਦੇ ਕਿਰਦਾਰ ਦੀ ਕਹਾਣੀ ਉਨ੍ਹਾਂ ਦੇ 18ਵੇਂ ਸਾਲ ਤੋਂ ਲੈ ਕੇ ਉਨ੍ਹਾਂ ਦੇ 50ਵੇਂ ਸਾਲ ਤੱਕ ਦਿਖਾਈ ਜਾਵੇਗੀ।
ਕੁਝ ਦਿਨ ਪਹਿਲਾਂ ਅਦਾਕਾਰ ਨੇ ਆਪਣੀ ਫਿਲਮ ਬਾਰੇ ਗੱਲ ਕਰਨ ਲਈ ਮੀਡੀਆ ਦੇ ਇੱਕ ਸਮੂਹ ਨਾਲ ਮੁਲਾਕਾਤ ਕੀਤੀ। ਟਵਿੱਟਰ ‘ਤੇ ‘ਬਾਲੀਵੁੱਡ ਦਾ ਬਾਈਕਾਟ’ ਅਤੇ ‘ਬਾਈਕਾਟ ਲਾਲ ਸਿੰਘ ਚੱਢਾ’ ਵਰਗੇ ਹੈਸ਼ਟੈਗ ਬਾਰੇ ਪੁੱਛੇ ਜਾਣ ‘ਤੇ ਅਦਾਕਾਰ ਨੇ ਕਿਹਾ ਕਿ ਉਹ ਇਸ ਤੋਂ ਦੁਖੀ ਹਨ। ਉਸ ਨੇ ਇਹ ਵੀ ਦਲੀਲ ਦਿੱਤੀ ਕਿ ਟ੍ਰੋਲ ਕਹਿ ਰਹੇ ਹਨ ਕਿ ਉਹ ਆਪਣੇ ਦੇਸ਼ ਨੂੰ ਪਿਆਰ ਨਹੀਂ ਕਰਦਾ ਪਰ ਇਹ ਪੂਰੀ ਤਰ੍ਹਾਂ ‘ਝੂਠ’ ਹੈ।
ਇਹ ਵੀ ਪੜ੍ਹੋ: ਚੰਡੀਗੜ੍ਹ ਸਿਰਫ਼ ਪੰਜਾਬ ਦਾ ਹੈ – ਅਸ਼ਵਨੀ ਸ਼ਰਮਾ…
