*ਚੰਡੀਗੜ੍ਹ ਕੀ ਨਾਰੀ, ਗੰਦਗੀ ਪੇ ਭਾਰੀ* ਦੇ ਬੈਨਰ ਹੇਠ ਮਨਾਇਆ ਗਿਆ ਸਮਾਗਮ
*ਮਹਿਲਾ ਸਫ਼ਾਈ ਮਿੱਤਰ, ਬੀ ਐਂਡ ਆਰ ਵਰਕਰ, ਟਾਇਲਟ ਕਲੀਨਰ ਸਨਮਾਨਤ ਮਹਿਮਾਨ ਸਨ*
*ਮੰਦਿਰਾਂ ਦੇ ਫੁੱਲਾਂ ਦੀ ਰਹਿੰਦ-ਖੂੰਹਦ ਤੋਂ ਬਣੇ ਆਰਗੈਨਿਕ ਰੰਗਾਂ ਨਾਲ ਹੋਲੀ ਖੇਡੀ ਗਈ*
ਇੱਕ ਨਿਵੇਕਲੀ ਪਹਿਲ ਕਰਦਿਆਂ ਨਗਰ ਨਿਗਮ ਚੰਡੀਗੜ੍ਹ ਨੇ ਅੱਜ ਮਹਿਲਾ ਭਵਨ ਵਿਖੇ ਆਪਣੀਆਂ ਮਹਿਲਾ ਕਰਮਚਾਰੀਆਂ ਨਾਲ ਹੋਲੀ ਅਤੇ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਮਨਾਇਆ। ਡੋਰ ਟੂ ਡੋਰ ਗਾਰਬੇਜ ਕੁਲੈਕਟਰ, ਬੀ ਐਂਡ ਆਰ ਵਿੰਗ ਦੇ ਵਰਕਰ, ਸਫ਼ਾਈ ਮਿੱਤਰ ਅਤੇ ਟਾਇਲਟ ਕਲੀਨਰ ਇਸ ਸਮਾਗਮ ਲਈ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਸਟੇਜ ਤੋਂ ਉਨ੍ਹਾਂ ਦੇ ਸਾਹਸ ਅਤੇ ਸੰਘਰਸ਼ ਦੀਆਂ ਕਹਾਣੀਆਂ ਸੁਣ ਕੇ ਬਹੁਤ ਖੁਸ਼ੀ ਹੋਈ।
ਇਸ ਸਮਾਗਮ ਵਿੱਚ ਜੀਵਨ ਦੇ ਕਈ ਖੇਤਰਾਂ ਜਿਵੇਂ ਕਿ ਸਕੂਲਾਂ ਦੇ ਪ੍ਰਿੰਸੀਪਲਾਂ, ਗੈਰ ਸਰਕਾਰੀ ਸੰਗਠਨਾਂ ਅਤੇ ਸਵੈ-ਸਹਾਇਤਾ ਸਮੂਹਾਂ ਦੀਆਂ ਔਰਤਾਂ ਨੇ ਵੀ ਭਾਗ ਲਿਆ।
ਮੇਅਰ ਸ਼੍ਰੀ ਅਨੂਪ ਗੁਪਤਾ ਵੱਲੋਂ ਸਵੱਛ ਭਾਰਤ ਮਿਸ਼ਨ ਪ੍ਰਤੀ ਉਨ੍ਹਾਂ ਦੇ ਚੰਗੇ ਕੰਮ ਅਤੇ ਸਮਰਪਣ ਲਈ ਕਈ ਮਹਿਲਾ ਵਰਕਰਾਂ ਨੂੰ ਸਨਮਾਨਿਤ ਕੀਤਾ ਗਿਆ।
ਮਹਿਲਾ ਕਰਮਚਾਰੀਆਂ ਨੇ ਕੂੜਾ-ਕਰਕਟ ਨੂੰ ਅਲੱਗ-ਥਲੱਗ ਕਰਨ ‘ਤੇ ਸਕਿੱਟ ਪੇਸ਼ ਕੀਤੀ ਅਤੇ ਨਗਰ ਨਿਗਮ ਦੇ ਕਰਮਚਾਰੀਆਂ ਨੇ ਗਿੱਧਾ ਪੇਸ਼ ਕੀਤਾ ਜਦਕਿ ਸਵੈ-ਸਹਾਇਤਾ ਸਮੂਹਾਂ ਦੀਆਂ ਲੜਕੀਆਂ ਨੇ ਫੈਸ਼ਨ ਸ਼ੋਅ ਕੀਤਾ।
ਨਗਰ ਨਿਗਮ ਚੰਡੀਗੜ੍ਹ ਨੇ ਸਵੱਛ ਹੋਲੀ ਦਾ ਸੰਕਲਪ ਵੀ ਪੇਸ਼ ਕੀਤਾ ਜਿੱਥੇ ਸਾਰੇ ਰੰਗਾਂ ਦੀ ਵਰਤੋਂ ਮੰਦਰਾਂ ਦੇ ਫੁੱਲਾਂ ਦੀ ਰਹਿੰਦ-ਖੂੰਹਦ ਤੋਂ ਕੀਤੀ ਗਈ।
ਇਸ ਮੌਕੇ ਅਨੂਪ ਗੁਪਤਾ ਮੇਅਰ ਚੰਡੀਗੜ੍ਹ, ਅਨਿੰਦਿਤਾ ਮਿਤਰਾ ਆਈਏਐਸ ਕਮਿਸ਼ਨਰ ਨਗਰ ਨਿਗਮ, ਕੌਂਸਲਰ ਅਤੇ ਨਗਰ ਨਿਗਮ ਦੇ ਅਧਿਕਾਰੀ ਹਾਜ਼ਰ ਸਨ।