ਜੇਕਰ ਤੁਸੀਂ PNB ਬੈਂਕ ਦੇ ਗਾਹਕ ਹੋ ਤਾਂ ਖੁਸ਼ਖਬਰੀ! ਦੇਸ਼ ਦੇ ਸਭ ਤੋਂ ਵੱਡੇ ਸਰਕਾਰੀ ਬੈਂਕ ਪੰਜਾਬ ਨੈਸ਼ਨਲ ਬੈਂਕ ਦੇ ਗਾਹਕਾਂ ਲਈ ਖੁਸ਼ਖਬਰੀ ਹੈ। ਬੈਂਕ ਨੇ ਡੈਬਿਟ ਕਾਰਡਾਂ ‘ਤੇ ਲੈਣ-ਦੇਣ ਦੀ ਸੀਮਾ ਵਧਾਉਣ ਦਾ ਫੈਸਲਾ ਕੀਤਾ ਹੈ। ਇਸ ਸਬੰਧੀ ਬੈਂਕ ਦੀ ਵੈੱਬਸਾਈਟ ‘ਤੇ ਇਕ ਨੋਟੀਫਿਕੇਸ਼ਨ ਵੀ ਜਾਰੀ ਕੀਤਾ ਗਿਆ ਹੈ, ਜਿਸ ‘ਚ ਲੈਣ-ਦੇਣ ਦੀ ਸੀਮਾ ਵਧਾਉਣ ਦੀ ਪੂਰੀ ਜਾਣਕਾਰੀ ਦਿੱਤੀ ਗਈ ਹੈ। PNB ਦੇ ਨੋਟੀਫਿਕੇਸ਼ਨ ‘ਚ ਕਿਹਾ ਗਿਆ ਹੈ ਕਿ ਬੈਂਕ ਜਲਦ ਹੀ ਹਾਈ-ਐਂਡ ਵੇਰੀਐਂਟ ਡੈਬਿਟ ਕਾਰਡ ਨਾਲ ਲੈਣ-ਦੇਣ ਦੀ ਸੀਮਾ ‘ਚ ਬਦਲਾਅ ਕਰੇਗਾ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਬਾਅਦ ਗਾਹਕ ਉਸੇ ਡੈਬਿਟ ਕਾਰਡ ‘ਤੇ ਜ਼ਿਆਦਾ ਖਰੀਦਦਾਰੀ ਜਾਂ ਖਰਚ ਕਰ ਸਕਦੇ ਹਨ।